Aberto o prazo de presentación de solicitudes para as garderías da Xunta

No DOG de onte publicaronse as resolucions que teñen  por obxecto convocar o procedemento de adxudicación de prazas nas escolas infantís 0-3, de adxudicación de prazas para fillos e fillas do persoal dos servizos centrais e das xefaturas territoriais da Xunta de Galicia dependentes da Axencia Galega de Servizos Sociais (AGSS) e dependentes do Consorcio Galego de Servizos de Igualdade e Benestar integradas na Rede de escolas infantís de Galicia A Galiña Azul para o curso 2021/22 (código BS402A, solicitudes de novo ingreso, e código BS402F, solicitudes de renovación).

O prazo de presentación comeza hoxe, podendose presentar ata o 22 de abril.

A relación provisional de admitidos farase publica o 10 de maio, o poderase consultar nos respectivos centros, nas Xefaturas Territoriais da Conselleria de politica social, e na paxina web http://politicasocial.xunta.gal.

Serán requisitos imprescindibles para ser adxudicataria/o de praza nas escolas infantís 0-3:

a) Que a nena ou o neno xa nacese no momento da presentación da solicitude.

b) Que teña unha idade mínima de tres meses na data de ingreso na escola infantil en que obteña praza e non teña feitos os 3 anos de idade o 31 de decembro de 2021. Non obstante o anterior, poderanse eximir do límite de idade dos 3 anos os nenos e as nenas con necesidades específicas de apoio educativo, de acordo coa normativa vixente.

c) Respecto daquelas familias que xa escolarizasen outro fillo ou filla no mesmo centro ou en calquera outro centro da Rede A Galiña Azul, estar ao día no pagamento das cotas polos servizos recibidos na data de presentación da solicitude, tanto nos supostos de renovación de praza como de novo ingreso. 

A orde e adxudicacion ven regulada nos enlaces que seguen a continuación.

Escolas dependentes do Consorcio

Escolas dependentes da AGSS

Escolas dependentes da AGSS para persoal da Xunta

STAJ, sindicato independente e específico de Xustiza, sen subvencións e sen ataduras