Onte mandamos o seguinte escrito ao Presidente do TSXG como membro da Comisión galega de Seguimento da crise do COVID-19 para a súa toma en consideración e a implantación xeralizada do apoderamneto apud-acta electrónico en Galicia:
A Orde JUS/394/2020 de oito de maio, pola que se
aproba o Esquema de Seguridade Laboral e o Plan de Desescalada para a Administración de Xustiza ante
o COVID-19, concretamente no seu punto 3
referente ás Medidas de protección colectiva en “atención ao público”,
contempla as seguintes recomendacións de seguridade laboral:
- A atención ao
público realizarase por vía telefónica, ou a través do correo electrónico.
-Para aqueles casos en
que resulte imprescindible acudir á sede xudicial será necesario obter
previamente a correspondente cita.
- En todas as sedes
deberán implementarse medidas que minimicen o contacto entre o persoal e os
cidadáns asistentes.
- Limitarase o número
de persoas que accede e o tempo de exposición ao mínimo posible.
O que se pretende con
todas estas medidas é limitar o acceso dos cidadáns ás dependencias xudiciais
permitíndose soamente nos supostos estritamente imprescindibles, co fin de
limitar, na medida do posible, a exposición e o contacto como medida máis
eficaz na loita contra o covid-19.
A realidade que nos
espera nas próximas semanas será a de infinidade de procedementos xudiciais
esperando o inicio da súa tramitación, tanto os que estaban xa con
anterioridade á declaración do estado de alarma, en moitos casos pendentes de
emendar a falta de apoderamento como os interpostos con posterioridade.
É práctica mais que
habitual é que os apoderamentos se realicen ante a sede xudicial coa presenza
do poderdante e o seu representante
legal, e iso a pesar da existencia da Lei 18/2011 do 5 de xullo reguladora do
uso das tecnoloxías da información e a comunicación na Administración de
Xustiza e a Lei 42/15 do 5 de outubro, na que se regula a posibilidade de
realización da comparecencia e outorgamento da representación mediante o sistema
de “Apoderamento electrónico”.
Este sistema permite
dar de alta apoderamentos de maneira telemática, sen ter que comparecer de
forma física nos xulgados, evitando a circulación innecesaria de cidadáns por
dependencias xudiciais. A realización do trámite é moi sinxela, basta con
acceder á páxina https://
sedejudicial.xudicial.es e cumprimentar un par de formularios nos que se debe
indicar os datos do poderdante e do/os
apoderados, entre outras cuestións, unicamente é necesario un certificado
electrónico (DNI electrónico, certificado electrónico da compañía ou
clave@pin).
A Lei de Axuizamento
Civil admite este sistema no seu art. 24.3, onde dispón textualmente: “comparecencia
persoal ou electrónica deberá ser efectuado ao mesmo tempo que a
presentación do primeiro escrito ou, no seu caso, antes da primeira actuación,
sen necesidade de que ao devandito outorgamento concorra o procurador. Este
apoderamento poderá igualmente acreditarse mediante a certificación da súa inscrición no
arquivo electrónico de apoderamentos
apud acta das oficinas xudiciais”, do mismo xeito a súa validez xa foi avalada por varias resolucións
xudiciais.
Se para acudir á sede
xudicial unicamente a emendar a falta de apoderamento “será necesario
obter previamente a correspondente cita”, iso dificultará
enormemente o comezo da tramitación dos procedementos xudiciais dado que a
axenda de citas colapsará nos primeiros días ou se demorará mais do
recomendable.
En base ao exposto
desde STAJ interesamos que se inste e
impulse a utilización da aplicación disposta en Sede Electrónica do Ministerio
de Xustiza para o outorgamento de apoderamentos apud-acta de xeito electrónico,
con iso lograríanse varios obxectivos, evitar o desprazamento do poderdante acompañado do seu procurador á
sede xudicial ocasionando un exceso de presenza física nos xulgados, evitar o
colapso da axenda de citas xudiciais, axilizar a tramitación dos procedementos,
e fomentar a práctica do preceptuado na
Lei 18/2011.
Ver o escrito presentado completo
STAJ, sindicato independente e específico de Xustiza, sen subvencións e sen ataduras