Tras
a publicación da Orde para a coordinación dos funcionarios
xudiciais durante a vixencia do estado de alarma, STAJ participou na reunión
mantida co Ministerio por videoconferencia, onde volvemos reclamar que a
dotación de persoal para atender servizos esenciais sexa a mínima indispensable
e en réxime de dispoñibilidade sempre que sexa posible.
Desde STAJ volvemos a denunciar que en temos sedes
xudiciais onde non se están atendendo as recomendacións sanitarias de limpeza
ou desinfección e subministración de
equipos de protección, e esiximos que se cumpran de inmediato ou procederemos a
denunciar os feitos ante a Inspección de Traballo e reclamaremos as oportunas
responsabilidades a quen corresponda.
Carece
totalmente de sentido que se manteña persoal en xulgados onde poidan pasar
xornadas enteiras nas que non teñan que atender ningunha das actuacións
consideradas como esenciais, expoñendo innecesariamente aos funcionarios ao
risco de contaxio e, o que é peor, contribuíndo negativamente á propagación do
virus, en aberta contradición co que precisamente decretou o Ministerio de
Sanidade.
Por
iso, esiximos esa redución de persoal e puxemos como exemplo o caso de
Andalucía, onde moitos servizos esenciais están a ser atendidos en réxime de
dispoñibilidade con absoluta normalidade e sen máis disfuncións que as propias
dunha situación absolutamente nova e descoñecida ata o de agora e que se van
solucionando todas sen maior problema. Estando en condicións mesmo de poder
reducir aínda máis o persoal presencial, mantendo ao resto en situación de
continua dispoñibilidade e localización para atender puntualmente e de forma
inmediata calquera actuación que for necesario realizar.
A
resposta do Ministerio foi que manteñen os servizos mínimos decretados tanto
polo devandito Ministerio como polas Comunidades Autónomas, sen aceptar de
momento a nosa esixencia de aumentar o réxime de dispoñibilidade, aínda que nos
comunicaron que nas próximas 48 horas van publicar unha nova disposición
consensuada coas Comunidades,
puntualizándonos que o Ministerio pode ditar agora instrucións de
obrigado cumprimento para todo o territorio nacional.
Esperemos
que nestas novas medidas de coordinación entren en razón e acórdese e
reflexionen sobre a necesidade de manter
presencialmente ao mínimo indispensable, en lugar de facer caso ás
absurdas pretensións do CGPJ que
pretende aínda máis persoal incluso onde non fai ningunha falta.
Así
mesmo estamos a reclamar ás distintas administracións que nos teñan informados
sobre os posibles casos de contaxio do persoal que poidan irse producindo,
esixíndolles así mesmo que os previsibles desaloxos futuros de sedes xudiciais
sexannos comunicados de forma inmediata, a fin de que podamos asegurarnos de
que ninguén quede durante horas sen ser avisado.
Para
iso esiximos nun escrito asinado por tódolos sindicatos representativos a nivel nacional que se programen
previamente as medidas necesarias para que todo o persoal sexa avisado de
inmediato, e non se deixe todo en mans dunha dubidosa cadea de mando que se
demostrou completamente ineficaz e temeraria.
STAJ, sindicato independente e específico de Xustiza, sen subvencións e sen ataduras.