O xoves, e a continuación da mesa
sectorial de xustiza, reunímonos novamente coa Xunta nunha mesa técnica para tratar certos puntos
clave que afectan directamente á regulación definitiva na orde de interinos.
Como primeira novidade e moi importante, a DXX comunícannos a aceptación definitiva de que a antigüidade á hora de valorar o tempo de servizos prestados será desde o ano 1992 e non desde o 2004 como pretendía a Administración. Reivindicación que o STAJ fixo desde o
primeiro momento.
Os outros puntos que se trataron,
foron:
-As porcentaxes das bolsas de traballo e reserva volven aparecer de
forma separada, como había asixido STAJ, pero aumentándose
considerablemente. STAJ non se
opón a que se haxa algún aumento en certas provincias e/ou corpos pero non de
forma xeneralizada e por suposto non tan desproporcionado. Sabemos que o problema está nas suspensións temporais de persoas que nunca van a traballar e que estan nesa situación duran todo a a vixencia da bolsa, impedindo que a bolsa se actualice para que todo o persoal este dispoñible, impedindo que xente de reserva pasa a bolsa de traballo.
-Respecto dos días de servizos prestados para colocarse ao final da bolsa, o
último borrador reflectía 360 días. STAJ solicita que se manteña e non se
reduza a 180 días como fixeron outros sindicatos.
-Lingua
Galega:
*Certificado Celga 4 ou equivalente: 2
puntos
*Certificado linguaxe xurídica nivel
medio: 4 puntos
*Certificado linguaxe xurídica nivel
superior: 6 puntos
Desde o STAJ pedimos unha maior
valoración da lingua autonómica, e solicitamos a súa valoración como no
concurso de traslados 4-8-12 puntos.
-Mantense o límite de 5 anos para establecer os criterios de valoración dos cursos. STAJ segue
reivindicando que sexan válidos mentres as normas dos mesmos estean en vigor ou extenderse a súa
valoración como mínimo a 10 anos.
-Cesamento do interino por falta de
capacidade ou rendimiento. Pedimos que se leve a cabo mediante expediente
disciplinario como o funcionario titular.
Como punto final engadir que a Xunta se comprometeu a convocarnos a próxima semana a mesa sectorial de interinos, e poder avanzar definitivamente na
negociación da súa orde.