No día de onte acudimos á
convocatoria da mesa sectorial de
xustiza que tentamos suspender ou atrasar para o mes de setembro, debido á
gran importancia de puntos que queríanse aprobar sen previa negociación cos
sindicatos e que figuraban na orde do día como modificación das RPTs do Imelga,
orde comisión de servizos, orde de interinos, reforzos e amortizacións de
prazas en Audiencias Provinciais.
A continuación déronnos traslado a
cada un de nós, pedindo a maioría das organizacións sindicais a suspensión da mesa sectorial por defectos formais na convocatoria (falta de documentación no tema de reforzos,
cadros de amortizacións nas Audiencias Provinciais, etc).
Oídas todas as partes o director
xeral alega que se poden deixar para mesa
técnica, a regulación das comisións de servizo, substitucións,
modificación RPTs do Imelga e orde de interinos, pero que deberiamos
chegar a algún avance unha vez reunidos para non demorar algúns deles como a
orde de interinos. Polo que se decide iniciar
mesa sectorial para tratar o que vos resumimos a continuación.
-Modificación
de RPTs Imelga:
Incremento de 4 médicos forenses.
Desde o STAJ non poñemos ningún impedimento ao devandito aumento, pero
solicitamos urxente mesa técnica para tratar
outros temas que afectan ás RPTs do Imelga e que deben de ser negociados
previamente á súa aprobación.
-Identificación
mediante tarxeta para o colectivo do SCACE e o resto de
compañeiros que realizan actos de comunicación e embargos noutros destinos
(Xulgados mixtos) STAJ solcitou esta medida varias veces e a
Dirección Xeral comprometeuse conosco a lévalo a cabo,. É dicir pídese
que sexa extensiva a todos os auxilios xudiciais e xestores que fan
notificacións e demàis actos de comunicación fóra da sede xudicial. Esta medida
non solo incide na seguridade do persoal de xustiza que teñen encomendada estas
funcións, se non que ademàis garante o
cumprimento da Lei de protección de Datos.
A tarxeta levará:
-Código alfanumérico
-Fotografía
-Corpo ao que pertence
-Unidade á que pertence
Por parte do STAJ estamos de acordo
en calquera medida que garanta unha maior seguridade para estes compañeiros
destinados en devanditos postos pero cremos que é necesario máis seguridade
para o persoal que sae á rúa, medidas que deben ser tomadas nunha mesa de seguridade e saúde e loitaremos
para que teñan un complemento de peligrosidade.
-Como
novidade
importante a Xunta fíxonos chegar
a súa intención de empezar a cesar ao persoal de reforzo que leva máis de 3
anos a partir do mes de setembro, onte comentáronnos que hai máis
de 85 reforzos e a metade deles pasen dos tres anos. STAJ non pediu o cese dos
reforzos, a grande naioría son necesarios, se non a súa consolidación como
prazas para titulares e o aumento das plantillas.
-Relacionado co anterior tamén
manifestou o director xeral que entre
este ano e o seguinte consolidaranse
algunhas das prazas ocupadas por
este persoal de reforzo. Reivindicación pedida por STAJ, pero que
consideramos insuficiente, pois debense consolidar tódalas prazas que leven 3
ou màis anos ocupadas por reforzos por tratarse de un deficit de persoal
estructural.
-Respecto da dotación de prazas nas Audiencias Provinciais, a Xunta manifesta que aumentará en 1 tramitador por cada sección penal, quedando pendente de enviarnos
o cadro de persoal para poder facer as alegacións correspondentes por escrito,
xa que hai anos amortizáronse moitas prazas nas Audiencias.
Na
rolda de intervencións STAJ pediu
e seguirá pedindo convocatoria urxente para o mes de setembro para negociar:
-Descontos
ITs
-Aumento retribucións ligada a instauración da nova oficina xudicial(CAT,
Productividade, complementos en xulgados
e seccións de violencia, nas oficinas de rexistro e reparto e nos decanatos)
-NOX
Reivindicacións
que o STAJ leva pedindo hace anos. Así como un calendario de mesas tanto técnicas como sectoriais, para poder
abordar mellor e con maior planificación o seu desenvolvemento.
E por
último dicir que a Xunta tamén manifesto ao remate da reunión a súa intención
de convocar unha mesa técnica de comisións de servizo e substitucións para a
próxima semana. Xa veremos se o cumpre.