Os case 100.000
traballadores da Xunta e as universidades cobrarán este ano a metade que teñen
pendente de ingresar da extra de decembro do 2012 que lles retirou o
Goberno central. Do mesmo xeito que sucedeu o ano pasado, a Xunta devolverá ese
50 % pendente en dous pagamentos: un 25
% coa nómina de abril, que o persoal ao servizo da Administración autonómica
cobrará a finais do mes que vén, e o 25 % restante, na nómina de setembro
próximo.
Así llo confirmou ás
centrais sindicais o conselleiro de Facenda, Valeriano Martinez, que tamén comunicou que a partir de xaneiro do
2017 o persoal da Xunta volverá percibir íntegras as pagas extras que desde o
2013 cobra sen o complemento específico ou equivalente.
lavozdegalicia.es