Na
Intranet de Xustiza figura a seguinte información:
A textualización das gravacións de vistas é unha funcionalidade que permite obter de maneira automática o texto dos vídeos gravados nas salas de vistas e de declaracións durante as actuacións orais dos procedementos xudiciais. Dentro do proceso de posta en marcha desta funcionalidade, durante o mes de outubro levarase a cabo a extensión a todos os órganos que aínda non dispoñen dela, coa seguinte previsión:
·
13 de outubro – Activación dos xulgados de instancia,
menores e violencia sobre a muller.
·
20 de outubro - Activación dos xulgados do social.
·
27 de outubro – Activación dos xulgados do
contencioso-administrativo, mercantil e vixilancia penitenciaria.
A día de hoxe a funcionalidade de textualización de vídeos está activa
en todos os xulgados de instrución e penal e mais en todos os mixtos, así como
en todas as seccións das audiencias provinciais e nas salas do Tribunal
Superior de Xustiza de Galicia, acadando un total de 155 órganos activos.
Neste documento atoparás unha táboa cos órganos nos que está activado, así como co número de vídeos textualizados dende a posta en marcha.
Lembra que:
1.
Para poder dispor da textualización dunha gravación de vista,
esta debe estar asinada e dispoñible para a súa consulta dende o
Visor-EXE.
2.
O audio da gravación textualízase mediante o servizo de textualización
proporcionado polo Ministerio de Xustiza ás CCAA.