No BOE de hoxe xoves 23 de
setembro publícase a Instrución do 16 de setembro de 2021, da Dirección Xeral
de Seguridade Xurídica e Fe Pública, pola que se acordan as pautas e criterios
para apoiar a entrada en servizo efectiva da aplicación informática Dicireg, a
partir da entrada en funcionamento da primeira oficina conforme ás previsións
contidas na Lei 20/2011, do 21 de xullo, do Rexistro Civil.
Recóllense as pautas iniciais
de actuación nas Oficinas do Rexistro Civil durante o período transitorio de
convivencia de sistemas e modelos do Rexistro Civil. Estas pautas poderán
sufrir variacións nas seguintes fases de despregamento, a medida que se vaia
considerando necesario a súa adaptación ao volume de Oficinas DICIREG
despregadas e outras actuacións que se puidesen desenvolver en paralelo para a
dixitalización e carga do sistema informático DICIREG.