INFORMACIÓN SOBRE O CURSO DE PREVENCIÓN DE RISCOS OBRIGATORIO NA PROVINCIA DE PONTEVEDRA

A DXX acaba de remitirnos o seguinte correo electrónico sobre o CURSO DE PREVENCIÓN DE RISCOS OBRIGATORIO na provincia de PONTEVEDRA.

"Ante as chamadas recibidas de traballadores de partidos xudiciais nos que xa se realizou o curso de prevención obrigatorio e que non puideron realizalo no seu momento, se informa de que:"

Curso de formación de carácter obrigatorio en prevención de riscos laborais dirixido ao persoal ao servizo da Administración de xustiza con destino no partido xudicial de Pontevedra e nos xulgados de primeira instancia e instrución e xulgados de paz da provincia de Pontevedra

"O persoal funcionario pertencente a outro partido xudicial –no cal xa se convocara previamente este curso de formación obrigatoria e que non o realizara no seu momento por se atopar de baixa ou por calquera outra circunstancia, poderá solicitar a súa inscrición nesta nova edición convocada por Resolución do 10/11/20 (DOG do 11/11/20), aínda que non estea destinado no  partido xudicial de Pontevedra ou nos xulgados de primera instancia e instrución ou nos xulgados de paz da provincia de Pontevedra, e, de quedaren prazas vacantes, será incluído no mesmo por orde de presentación de solicitudes."

STAJ, sindicato independente e específico de Xustiza, sen subvencións e sen ataduras