Dende a Dirección Xeral de
Xustiza remítesenos correo co seguinte contido literal:
“De orde do director xeral de Xustiza, convócaselles a reunión informativa
sobre a Orde JUS/394/2020, de 8 de maio, pola
que se aproba o Esquema de Seguridade Laboral e o Plan de Desescalada
para a Administración de Xustiza ante o COVID-19.
Data: 11 de maio
Hora: 11:00”
Como
podedes observar convócasenos para “reunión informativa”, nada de mesa de
negociación. Volvemos insistir en que isto é INACEPTABLE, non necesitamos que
nos convoquen para informarnos, para iso sinxelamente podemos ler e analizar o
que publiquen, o que se necesita é que os lexítimos representantes dos
traballadores sexan convocados para negociar, é dicir para solicitar e
intercambiar opinións, para transmitir información, para facer alegacións e
propostas, para afrontar conxuntamente
un determinado asunto, debater e tentar chegar a un acordo. Non é difícil de
entender, estamos ante unha modificación sen precedentes das nosas condicións
laborais e iso require a participación no devandito proceso do colectivo ao que
afecta maioritariamente. Isto non é o que pedimos, a Dirección Xeral de
Xustiza debe rectificar e formular a convocatoria adecuadamente.
STAJ, sindicato independente e específico de Xustiza, sen subvencións e sen ataduras