A Comisión de Coordinación
de Crise do Covid-19 na Administración de Xustiza analizou na súa reunión desta
mañá o escenario que se abrirá coa activación da fase 3 da desescalada na
Xustiza e a continuación dos prazos procesuais desde o próximo 4 de xuño. Tamén
se concretaron as medidas de choque para reforzar a actividade xudicial a
partir de setembro, tras o parón ocasionado pola crise sanitaria.
A Comisión, composta xunto
ao Ministerio por membros do CXPX, Fiscalía Xeral do Estado, CCAA e Consello
Xeral da Avogacía, acordou avanzar cara á fase 3 no prazo previsto, a semana do
9 de xuño, co 100% de efectivos traballando presencialmente nos xulgados.