Novamente imos ter atraso nas convocatorias, xa que non se negociou o plan de estabilización, forzado polas sentencias do TJUE e plasmado na Lei de Orzamentos Xerais do Estado para 2017. Non se negociou aínda a convocatoria de OPE 2017, e descoñécense ainda os datos exactos de 2018, pendente de aprobación PGE.
O Ministerio comprometeuse a negociar a final do 2017, novamente vemos un calendario incumprido, desde STAJ esiximos convocatoria urxente de negociación para as ofertas de emprego pendentes e o plan de estabilización, sen esquecer a promoción que hai que solucionar xa.
A convocatoria de Letrados de Xustiza de 2017 quedouse pendente de negociación como non podía ser doutra maneira, a petición de STAJ e do resto de Sindicatos, xa que non achegaron a documentación correcta nin se traía a negociar conforme á lei. Así o confirmou o secretario xeral da Administración de Xustiza na reunión de xaneiro pasada.