Despois de que haxa xa algúns compañeiros/as teletraballando en Galicia,
sen unha normativa específica para Xustiza, e sen que a DXX avisara sequera aos
representantes dos traballadores/a, despois de que onte o Ministerio aprobase
a regulación do teletraballo dentro do
seu ámbto territorial, previa negociación e prazo para alegacións ao borrador
polos Sindicatos, despois de que o
Goberno recomendase, a quen lle fose posible, seguir co teletraballo polo menos
dous meses mais, despois de enterarnos que a Dirección Xeral está elaborando un
normativa para o teletraballo na Admon de Xustiza de Galicia
sen contar cos representantes dos traballadores/as, consideramos que o Director
Xeral non debe dar ese paso de regular de xeito unilateral
unha modificación tan importante das condicións laboráis do persoal de Xustiza,
sen contar cunha negociación seria e verdadeira na mesa de negociación cos
sindicatos do sector, se sacase unha norma sin negociación previa contradiciría
unha chea de disposicións normativas e legais e mesmo o propio sentido común. Debemos de lembrarlle ao Director Xeral que o estado
de alarma non suspendeu o dereito á negociación colectiva.
Con
motivo do estado de alarma declarado pola crise do Covid-19,
da medida de confinamento social adoptada como única vía eficaz de loita contra
a expansión dos contagios, e das limitacións de mobilidade adoptadas durante a
súa vixencia, o sistema de teletraballo revelouse como unha valiosa ferramenta
que permite salvagardar a saúde do traballador/a á vez que garante o mantemento
dun elevado nivel de desenvolvemento laboral.
A isto
non debe ser allea a Administración de Xustiza, sendo indiscutible que se dende
un inicio do estado de alarma se puxese en funcionamento o devandito sistema e
se favorecera e promovera o teletraballo do persoal da Administración de
Xustiza, poderíase manter sen ningún problema ao persoal xudicial en situación
de réxime de dispoñibilidade en lugar de presencialidad o que redundaría na prestación do servizo público de
Xustiza e cumprimento dos servizos esenciais co mínimo risco posible para a
saúde dos traballadores.
STAJ
aposta pola implementación do teletraballo, e facémolo non só pensando no momento
actual de vixencia do estado de alarma e mantemento do confinamento, se non
tamén para o período de desescalada e de “nova normalidade”, e propoñemos unha
consolidación dos tímidos avances e pasos que neste sentido están a realizarse
nos últimos días e que a experiencia que achegue a implantación provisional
neste período transitorio sexa aproveitada para regular a implantación de forma
definitiva desta modalidade de traballo.
Agora
ben, consideramos que a implantación deste novo réxime de traballo debe estar
sometida aos seguintes principios esenciais:
•
Implantación definitiva do Expediente Dixital Electrónico a fin de conseguir o
obxectivo do denominado “Papel Cero”, establecendo a obrigatoriedade do uso de
todas as novas ferramentas informáticas para todos os que traballan nesta Administración
(corpos xerais e especiais, corpo de letrados da Administración de Xustiza,
xuíces e fiscais).
A Xunta
de Galicia debe estar en condicións de proporcionar os equipos informáticos que
os traballadores/as uticen na casa, ainda que nun principo poderiamos aceptar
que se utilicen equipos privados se o traballador/a así o consinte. Tódolos
trabalaldores/as deberán ter acceso ao CAU de Xustiza que lles solucionará a
incidencias que poidan ocorrer cos seus equipos. Ninguén pode ser discriminado
polo falla de equipos informáticos propios.
•
Voluntariedade por parte do traballador/a que se queira acoller a esta
modalidade profesional e reversibilidade do seu consentimento unha
vez prestado e no momento que queira. Acometida do proceso por fases, coa posibilidade
de formación específica a quen a solicite.
• As
tarefas e funcións a desempeñar mediante teletraballo, en todo caso, deberán
estar enmarcadas e respectar as funcións que para os distintos corpos establece
a Lei Orgánica do Poder Xudicial.
• Débese poder
ofrecer o acceso a esta modalidade a todos os traballadores/as sen excepción
garantindo períodos de rotación se se chegase a superar, de existir, o número
máximo de persoal en situación de teletraballo.
En ningún
caso o exercicio desta modalidade pode supoñer o aumento de carga de traballo
do persoal que siga prestando os seus servizos de forma presencial, buscando
fórmulas de compensación para que eso non se produza. Non se trata de traballar
uns mais que outros, se non de facelo todos dunha maneira mais axeitada e
doada.
• A
opción deste sistema debe garantir e respectar o exercicio de tódolos permisos,
vacacións e licenzas recoñecidos, garantindo a desconexión dixital así como o
descanso diario e semanal obrigatorio.
Neste
senso debemos idear tamén unha desconexión telefónica, fixando unha franxa
horaria rixida dentro da xornada laboral para recibir instruccións dos
superiores, fora desa franxa ninguen esta obrigado a coller o teléfono.
• Dita
regulación deberá abarcar tamén o tipo de xornada laboral e tempo de
teletraballo, horarios de traballo e o tempo mínimo e máximo de dedicación
diaria así como a flexibilidade horaria.
Deben
existir quendas entre compañeiros que se acollan a esta modalidade e días
máximos de teletraballo á semana para todo o persoal,
alternando traballo presencial e teletraballo.
Determinación
da presencialidade
mínima necesaria na oficina xudicial por parte do traballador a fin de garantir
a atención presencial que sexa requirida nos procedementos da súa
responsabilidade. Cada quen debe facer o seu traballo, ben denda a casa, ben
dende o xulgado, alternando ambas posibilidades.
Hai que fixar un sistema
que garanta as condicións esixidas en materia de prevención de riscos laborais;
postos de traballo que, pola súa natureza e características son susceptibles de
ser desenvolvido baixo esta modalidade; etc..
Por todo o exposto STAJ
solicita a convocatoria urxente de Mesa Sectorial de Xustiza a fin de negociar
a regulación relativa á implantación da modalidade de teletraballo na
administración de xustiza galega durante a etapa do estado de alarma declarado
pola crise do Covid-19, durante o posible plan de desescalado, así como a súa posible
e posterior implantación definitiva.
STAJ, sindicato independente e específico de Xustiza, sen subvencións e sen ataduras