Hoxe mandamos esta SOLICITUDE ao Director Xeral de Xustiza, Juán José Martín Álvarez pedindo uno plan de recuperación do traballo, a vista da insuficiencia e do chaupuceiro do plan realizado ata agora. Os
xulgados galegos seguen atascados por mor da folga e a Xunta de Galicia o único
que fai é dar largas e esperar a que o traballo acumulado sexa realizado aos
poucos co único motor da boa vontade dos funcionarios, en ningún momento se pensa nun plan de recuperación que os incentive máis aló dunhas “migallas”
consistentes en 20 horas de recuperación, 40 no mellor dos casos nalgúns
Xulgados ou órganos xudiciais. De verdade pódese pensar seriamente que con 20
horas recupérase o atraso xerado polas máis de 200 horas de media de participación na
folga de cada funcionario? Non entendemos o silencio cómplice dos sindicatos asinantes do Acordo, sí eses que iban a arranxar o mal pacto na Comisión de Seguemento, e que parecen conformarse co "moito e ben" que o está a facer a Xunta neste eido.
Deixamos a solicitude completa:
ENRIQUE ARAUJO MARTINEZ, en calidade de representante do
Sindicato de Traballadores da Administración de Xustiza (STAJ).
Fai mes e medio que rematou a derradeira fase do Plan de
Actuación para a recuperación do traballo por mor da folga na Administración de
Xustiza de Galicia. Máis dun ano despois do comezo da mesma segue sen
recuperarse o traballo que se perdeu e que está acumulado en tódolos xulgados
da Comunidade Autónoma, prexudicando aos cidadáns e as empresas que ven como o
seus asuntos seguen estancados meses e meses sen que se lles dé unha solución.
Esta organización sindical bota de menos un plan serio,
un plan ben deseñado que termine dunha vez cos retrasos e poña ao dia os
xulgados de Galicia, xa de por sí cargados de traballo e nunha situación
inasumible dende o termino do conflito.
Basta de plans de recuperación de escaparate que se
anuncian nos medios de comunicación día tras día,basta de plans aos que se lle alongan o seu comezo no tempo sen motivo, plans que non chegan a tódolos
órganos, oficinas e servizos xudiciais ao mesmo tempo, plans que se estruturan
e deseñan con ánimo de propaganda institucional, basta de plans dos que se difunden e se publican a súa entrada en vigor e non chegan, que son solo fume,
basta de tratar de enganar aos cidadáns, aos profesionais e aos funcionarios/as.
A Administración de Xustiza necesita un plan que aborde
dun xeito serio e responsable o problema, un plan que chegue a tódolos órganos,
que se manteña no tempo e que se alonxe da propaganda afrontando a cuestión coa
vontade real de solucionala, que sexa deseñado por e para o funcionarios/as de
xustiza, que non se escude en intentos, que xa sabíamos fracasados, de querer
contar cun especifico plan de recuperación para aqueles Corpos que non foron
chamados a folga, Xuices, Fiscais e Letrados/as, o traballo acumulado está na
mesas dos funcionarios/as e son eles/as as que teñen que sacalo.
En Canarias no ano 2000, no territorio do Ministerio en
2008 e máis recentemente en Cataluña no 2013, se crearon plans de recuperación
que se materializaron aos poucos días do remate das folgas de xeito xeralizado,
e se mantiveron no tempo ata o remate do colapso, plans que desde un principio
buscaron poñer ao día, e canto antes, a pendencia nos xulgados, contando cos
traballadores/as e os seus representantes, sen tratar de enganar a ninguén para
que parecese o que non era.
SOLICITO: unha nova fase do plan de recuperación do
traballo, que abrangue a tódolos órganos, fiscalías, oficinas e servizos
xudiciais de Galicia. Un plan serio e deseñado por e para os traballadores /as
de xustiza, acordado cos seus representantes, un plan no que se invertan os
cartos aforrados durante o conflito, un plan que se manteña o tempo suficiente
para rematar co traballo acumulado pola folga e que poña o día toda a
Administración de Xustiza.
Pontevedra a 11 de febreiro de 2019.
STAJ, sindicato independente e específico de Xustiza, sen subvencións e sen ataduras.