DIRECTOR XERAL DE XUSTIZA.
Rúa de Madrid nº 2-4, 2º andar.
SANTIAGO DE COMPOSTELA
Asunto: Aplicación incrementos retributivos ao persoal en
situación de IT.
ENRIQUE ARAUJO MARTINEZ, como representante do Sindicato de
Traballadoras/es da Administración de Xustiza (STAJ).
O parágrafo noveno do apartado 5 do artigo 504 Da Lei
Orgánica 6/1985, do Poder Xudicial, na súa redacción dada pola Lei Orgánica
4/2018, do 28 de decembro, establece o seguinte:
Durante o tempo de duración da licenza por enfermidade
aplicarase ao persoal funcionario calquera incremento retributivo, incluído o
abono do perfeccionamento dos trienios, que lle puidese corresponder se non se
atopase nesa situación de incapacidade temporal.
O Real Decreto-lei 24/2018, do 21 de decembro, polo que se
aproban medidas urxentes en materia de retribucións no ámbito do sector público
establece no seu artigo 11, apartado 3, o incremento que experimentarán as
retribucións do persoal ao servizo da Administración de Xustiza (Letrados da
Administración de Xustiza e Corpos ao servizo da Administración de Xustiza),
que reflicte o incremento xeral establecido para o sector público no artigo 3
do mesmo Real Decreto-lei. En consecuencia, de conformidade co referido artigo
504.5 LOPJ, procede a aplicación ao persoal funcionario que estea a gozar de
licenza por enfermidade, do incremento retributivo previsto no Real Decreto-lei
24/2018, do 21 de decembro.
Por todo iso, interesamos desa Dirección Xeral que se tomen as medidas que sexan pertinentes
para a aplicación dos incrementos retributivos a que se fixo referencia neste
escrito, a todo o persoal ao servizo da Administración de Xustiza, efectuando
na nómina as adecuacións ou actualizacións que sexan necesarias.
Pontevedra a 10 de xaneiro de 2019.
STAJ, sindicato independente e específico de Xustiza, sen subvencións e sen ataduras.