STAJ mantivo na tarde
de onte 6 de novembro reunión con varios representantes da Comisión de Xustiza
do Senado, á que asistiron senadores representantes de diversas formacións
políticas, incluídas as que aprobaron no Congreso a reforma da LOPJ.
STAJ expuxo con
meridiana claridade os efectos perniciosos das modificacións da LOPJ aprobadas polo Congreso, que afectan as
nosas condicións de traballo, especialmente –aínda que non só-, a modificación
do artigo 521 da LOPJ, que proclama a
unificación nun só dos centros de destino de cada municipio, establece a
asignación forzosa dos funcionarios aos postos de traballo dentro do municipio,
en función de criterios baseados nas necesidades do servizo e non de maneira
voluntaria mediante concurso de traslado, ademais de abrir a porta á redución
de emprego na Administración de Xustiza.
Do
mesmo xeito, STAJ trasladou aos Senadores o profundo malestar xerado entre os
funcionarios así como a frontal oposición á reforma, que se levou a cabo, aínda
por riba, obviando absolutamente a negociación cos representantes dos
traballadores, e comunicámoslles que imos ir a por todas coas mobilizacións que
convocamos.
Por
parte dos senadores, trasladóusenos que aínda non se recibiu no Senado
formalmente a proposición de lei aprobada no Congreso, pero que desde logo van
estudar todo o que lles trasladamos nesta reunión e por escrito.
Desde STAJ puidemos constatar a preocupación que
xerou o conflito entre os grupos políticos, por canto á reunión asistiron
varios representantes das diferentes formacións, que mostraran especial
interese en asistir e escoitar a nosa posición sobre a reforma. Estamos
convencidos de que a presión que estamos a exercer pode dar os seus froitos se
incrementamos a mobilización de todos.
AGORA
MÁIS QUE NUNCA HAI QUE COMBATER CON FORZA ESTE ATROPELO ÁS NOSAS CONDICIÓNS DE
TRABALLO
STAJ, sindicato independente e específico de Xustiza, sen subvencións e sen ataduras.