O PP comunica aos sindicatos que apoiará o mantemento dos
actuais centros de destino no Senado e na súa volta ao Congreso.
A PRIMEIRA FASE DAS MOBILIZACIÓNS EN DEFENSA DOS CENTROS DE
DESTINO CULMINA CO APOIO DE TODOS OS GRUPOS POLÍTICOS A MANTER A REDACCIÓN
ACTUAL DO ART. 521 DA LOPJ.
Tras moitas explicacións, nas que atacou nosa defensa dos
centros de destino actuais, Catalá non foi capaz de recoñecer a súa responsabilidade como exministro de Xustiza cando presentou máis de 50 emendas pola porta de atrás, vulnerando o dereito á negociación colectiva, e que nada tiñan que ver co obxecto da reforma da LOPJ que era a recuperación dos nosos dereitos inxustamente arrebatados en 2012, Catalá dá un xiro tras a presión sindical e manifesta aos sindicatos que o PP apoiará no Senado, e na súa volta ao Congreso, as emendas sobre o art 521 presentadas polos Grupos Socialista, Unidos Podemos e Cidadáns.
Con todo, este compromiso de Catalá non garante en absoluto que finalmente, cando volva ao Congreso, o texto aprobado sexa o ratificado maioritariamente no Senado, pois, se non obtén a maioría no Congreso, aprobarase o votado o 30 de outubro no Congreso, segundo o que establece o art 132 do Regulamento do Congreso.
É preciso sinalar que o Grupo Popular tamén presentou emendas
no Senado (fundamentalmente relativas á elección de vogais xudiciais do CGPJ), do mesmo xeito que fixeron outros Grupos, relativas a cuestións diversas; moitas de cuxas emendas serán dificilmente aceptadas polo resto de Partidos.
Por iso, e así llo trasladamos a Catalá, dado que o que se aprobe no Senado sométese posteriormente á aprobación de conxunto no Congreso, necesitando a maioría absoluta do Pleno, é necesario que todos os Grupos Políticos abandonen a súa pretensión de que introducir no texto esas outras emendas, que saben que na súa volta ao Congreso non serán aceptadas, facendo decaer, por esa votación de conxunto, as emendas relativas ao mantemento dos centros de destino actuais.
Esiximos a Catalá a procura de consenso co resto de Grupos. De non facelo, o ofrecemento de hoxe sería un acto de hipocrisía e as vítimas seremos os traballadores da Administración de Xustiza.