Son varios os artigos que,
directa ou indirectamente, afectan de maneira negativa ás condicións de
traballo do persoal funcionario ao servizo da Administración de Xustiza.
Comezaremos pola modificación que consideramos atenta máis gravemente contra os
dereitos dos funcionarios de Xustiza, a reforma do art. 521
Modificación do artigo 521.- Esta modificación afecta ao
segundo parágrafo da letra A), e introduce unha nova letra C), quedando redactado actualmente da
seguinte forma:
Segundo parágrafo da letra A) “Entenderase
por centro de destino o conxunto de postos que radiquen no mesmo municipio que
estean servidos por funcionarios ao servizo da Administración de Xustiza.”
Novo
parágrafo, letra C) “ A asignación dos
funcionarios aos postos de traballo incluídos no mesmo centro de destino
efectuarase de acordo con criterios obxectivos relacionados coas necesidades do
servizo e as cargas de traballo, con respecto ás condicións económicas dos
funcionarios e previa negociación coas organizacións sindicais, nos termos en
que regulamentariamente se establezan.”
A diferenza
co réxime anterior é que o artigo 521 distinguía ata dez centros de destino nun
mesmo municipio que á súa vez incluían varios
postos de traballo. Como consecuencia desta reforma todos os centros de
destinos unifícanse por municipio, de modo que todos os seus postos de traballo
intégranse nun único centro de destino.
Xunto a iso, que en por si é
perigoso porque pon en risco as posibilidades de mobilidade voluntaria e
aumenta as posibilidades de mobilidade forzosa dentro do municipio, por se
quedaba algunha dúbida a nova letra C)
encárgase de deixalo aínda máis claro, ao establecer que a asignación dos
funcionarios aos postos efectuarase de acordo con criterios obxectivos
relacionados coas necesidades do servizo e as cargas de traballo. É dicir, que
non será o concurso de traslado o sistema de cobertura deses postos cando se
trate de acceder a eles unha vez que xa estás destinado dentro do centro de
destino (o municipio), senón que desa cobertura de prazas encargarase aquel que determine o Regulamento (que deberá
desenvolverse unha vez aprobada a reforma nas Cortes), poderá ser un Letrado AJ, ou a propia Administración, baseándose
neses “criterios obxectivos.”
Dá igual a prevención que se fai
en relación co “respecto ás condicións económicas” e previa a negociación
colectiva”, porque, en respecto a o primeiro, só afectará a aqueles
funcionarios que gozan desas condicións económicas chamémoslles “máis
beneficiosas”, pero non a quen non as gocen, que non terán opción de mellorar
economicamente dentro da estrutura optando a postos mellor remunerados, salvo
que estes sexan singularizados. E
respecto a o segundo, porque por moita negociación colectiva que sexa necesaria
para a asignación (ou para o desenvolvemento regulamentario, que é máis ben ao
que se refire a norma), o certo é que esa negociación e ese desenvolvemento
regulamentario deberá respectar o que establece a lei de maneira taxativa, é dicir, que o criterio para a
asignación de postos non é a vontade do funcionario, expresada mediante a súa
participación nun concurso de traslado, senón os “criterios obxectivos” que
haberán de ser apreciados por un terceiro.
Outros artigos modificados:
Modificación do artigo 347.2.- Este artigo
establece a posible creación dos chamados “tribunais de instancia” ao dispoñer
que se poderá acordar que unha unidade procesual de apoio directo preste
servizo a varios órganos unipersonales
do mesma orde xurisdicional. O cal redunda nunha absoluta indefinición dos
postos de traballo, máis aínda.
Modificación do artigo 489.1. c).- Prevé o nomeamento de
interinos de reforzo, pero limita estes nomeamentos a seis meses no transcurso
dun ano:
“ c) O exceso ou acumulación de
asuntos nos órganos xudiciais por prazo máximo de seis meses, dentro dun
período de doce meses.”
Modificación do artigo 347 bis 5 b).- Este artigo impide a asignación de máis
medios persoais cando se adscriba un xuíz de adscrición temporal a funcións de
reforzo nalgún órgano:
“…sen que a dotación do reforzo
poida comportar ademais a asignación de medios materiais ou persoais distintos
daqueles cos que conte o xulgado ao que se adscriba.”
Polo demais, é lamentable que non
se aproveitou esta reforma para incrementar a reserva da promoción interna ao 50%, como
pedimos insistentemente, e o que se fai, ao contrario, é rectificar a anterior
redacción do 30 por cento, de maneira que queda claro que non é o 30 por cento
do total de prazas, senón o 30 por cento das que se oferten en quenda libre.
Esta reforma foi iniciada polo anterior equipo do Ministro Catalá no principio do ano, aproveitando
a modificación acordada para a recuperación, entre outros dereitos, dos tres
días de asuntos propios que aínda faltaba, momento no cal STAJ xa se opuxo e convocou mobilizacións no resto
do territorio nacional que aquí en Galicia apenas tiveron repercusión dado que
estabamos nun momento de conflito coa Xunta de Galicia. O Partido Popular non tivo apoios naquel momento para sacar adiante a
reforma, quedando encallada. Incomprensiblemente despois do cambio do goberno o PP insiste nas enmendas anteriormente
rexeitadas e logra, non sabemos como, o apoio de Podemos, PSOE e outros Grupos
Parlamentarios, e aquela nefasta reforma é aprobada por amplísima maioría no
Congreso dos Deputados, froito de acordos e pactos entre partidos políticos,
sen que STAJ nese momento, e cremos que
o resto de sindicatos, tivese
intervención ou información do que se estaba pactando ata a publicación do
ditame da Comisión de Xustiza do Congreso de data 24-10-2018.
Por iso non entendemos nin
podemos permitir as invencións publicadas por algúns sindicatos de que eramos
coñecedores das devanditas negociacións e mesmo de que fomos participes das
mesmas. STAJ, insistimos, era desconocedor dos pactos dos Grupos Políticos
e nunca negociou, pactou ou acordou nin cos Grupos Políticos nin co propio
grupo Ministerial nada referido a estas modificacións tan prexudiciais para o
colectivo. Todo o contrario, desde o principio fomos combativos, mostrándonos sempre en contra do que representa un grave
ataque aos nosos dereitos, convocando mobilizacións desde que supemos da intención, duns e doutros, de movernos ao seu antoxo dentro do mesmo municipio.
A
vileza das acusacións vertidas a lixeira, sen ningún fundamento, rigor
nin proba, ademáis de ser falsas, prexudican gravemente as mobilizacións acordadas en contra da reforma, creando
confusión, desmotivando e desmovilizando ao colectivo. Ditas
manifestacións só teñen cabida nun proceso de xustificación da súa propia
parálise e falta de resposta ante a agresión aos nosos dereitos. Dende STAJ esiximos a estes sindicatos cesar
neste tipo de acusacións falaces e malintencionadas e animámolos a unirse e participar das mobilizacións acordadas a
nivel autonómico (o 13 de novembro) e nacional, ámbito onde ten efectos a reforma, ou convocar, no seu caso,
mobilizacións propias.
STAJ, sindicato independente e específico de Xustiza, sen subvencións e sen ataduras.