Como moitos/as sabedes, as eleccións sindicais do ano 2015 na provincia
de Pontevedra foron anuladas por unha sentenza do Xulgado do Social nº 1 de
Vigo ao considerar que os Letrados/as da Administración de Xustiza non podían
concorrer ás mesmas nin como electores nin como elixibéis. Isto mesmo aconteceu
en máis territorios (recentemente repetíronse as eleccións por idéntico motivo
en Asturias) e existen seis provincias máis en todo o Estado nas que pasou
exactamente o mesmo (algunhas dende hai anos). En Galicia, aínda que os
letrados o intentaron nas catro provincias, só na de Pontevedra o conseguiron, no
resto de provincias as resolucións xudiciais ou os laudos arbitrais ditados
foron desestimatorios.
Naquel momento - outono do 2015- os sindicatos chegamos a un acordo: non
pedir a execución da sentenza para, deste xeito, non voltar a repeti-las eleccións e facervos
pasar polas urnas outra vez en tan pouco espazo de tempo. Despois do tempo
pasado e das circunstancias acontecidas que de seguido explicaremos, entendemos
que manter ese acordo xa non ten sentido.
Dende aquela, a xunta de persoal da Administración de Xustiza de
Pontevedra reuniuse unha soa vez para elixir ao seu presidente, pero ese nomeamento e a súa propia existencia como xunta de persoal
atópanse nun limbo legal; pois os resultados das eleccións non foron validados pola Oficina Publica de
Rexistro da Consellería de Traballo e polo tanto, non se pode constituir
válidamente nin facer ningún tipo de debate ou votación nin sequera pode
adoptar ningún acordo ou resolución. Deste xeito, este órgano de representación
leva tres anos sen reunións, aínda que de forma excepcional a Administración
deixa actuar ao presidente como por exemplo no proxecto da cidade da xustiza de
Vigo
Ademáis do anterior, cremos que despois de
tódolos acontecementos vividos nos últimos meses no conflito mantido coa Xunta
de Galicia e de cómo se desenrolaron as cousas, é honesto e xusto darvos voz a todo o
colectivo para que manifestedes, en
forma de voto, a vosa opinión sobre todo o que pasou e sobre cómo pasou.
Neste senso, temos que dicir que
moitos compañeiros/as nos pediron unha e outra vez a convocatoria de eleccións;
sobre todo despois dos actos e conductas de deslealdade e vileza de varios sindicatos, que preferiron
e prefiren cumprir os seus compromisos coa Administración pasando por riba dos seus compromisos co colectivo, defendendo
o indefendible co gallo de quedar ben coa Xunta e actuando a favor da
Conselleria de Xustiza, aínda que
supuxese un prexuizo para todo o persoal de xustiza .
Por suposto que tamén é unha oportunidade para valorar e xulgar a
prepotencia coa que se empleou Rueda e cía. e o ninguneo, desprezo e desprestixio ao que
nos someteu a Xunta para acabar, como fora, coa forza da loita, axudados polas
organizacións sumisas co poder político. Con esta convocatoria de eleccións,
deixamos nas vosas mans o poder de xulgar a actuación de cada quen, o poder de
poñer a cada quen no seu sitio, o poder de facerlle saber de novo á Xunta que
reixeitades a súa manipulación, as súas negociacións por detrás e os seus métodos
ilegais e de corte autoritario e opresor.
Esta iniciativa puido levala a cabo calquera do resto de sindicatos,
eles saberán porque non vos queren dar voz e voto. STAJ só lle pide ás demáis
organizacións sindicais que non se adiquen a
por “paus na roda“ e non obstaculicen o normal desenrolo do proceso
electoral.
Para que a votación non coincida nos meses de xullo ou agosto, presentamos
agora o preaviso de eleccións e supoñemos que as votacións serán no mes de
outubro, aínda que a data definitiva sairá da futura reunión coa Mesa Electoral
Coordinadora.
STAJ, sindicato independente e específico de Xustiza, sen subvencións e sen ataduras.