A Comisión Permanente do Consello Xeral do Poder Xudicial (CGPJ) aprobou prorrogar os reforzos nos xulgados do social da Coruña, segundo informa o Tribunal Superior de Xustiza de Galicia (TSXG).
Desta maneira, mantéñense as dúas comisións de servizo con relevación de funcións por período de seis meses a favor da xuíz titular do Xulgado do Social número 2 de Ferrol, e do xuíz titular do Xulgado de Primeira Instancia número 3 de Ourense.
A medida, segundo informa o Tribunal Superior de Xustiza de Galicia (TSXG), "fundaméntase na evolución e situación dos xulgados do social coruñeses".
ENTRADA DE ASUNTOS
Así, resalta que "a entrada media de asuntos foi moi elevada en todos os períodos: 145% no 2015, 145% no 2016 e 135% no primeiro trimestre de 2017 respecto ao indicador de 850 casos".
Así mesmo, engade que "a pesar de que a dedicación media dos órganos xudiciais foi moi superior ao módulo establecido en todos os períodos analizados: 164% no 2015, 167% no 2016 e 187% no primeiro trimestre de 2017, a pendencia mantense elevada nestes xulgados, situación que se tivo en conta para acordar a medida".
Das unidades de novas creación concedidas a Galicia para 2016, e que está previsto que entren en funcionamento este ano, unha delas foi destinada a un novo xulgado do social na Coruña.
Pincha aquí para ver enlace
Pincha aquí para ver enlace