Todas as actuacións previstas para este ano
executaranse no edificio xudicial e no Pazo de Xustiza. Así, nos sotos do
edificio xudicial emprazarase a Oficina de información ao cidadán e atención á
vítima coa creación dun corredor que facilite a comunicación entre a zona
restrinxida e a zona común; executaranse traballos de carpintería exterior no
Imelga e no xulgado de garda para facilitar a súa ventilación, onde tamén se procederá
a mellorar a climatización da súa sala de espera, así como a colocación dun
sistema de control de acceso coa tarxeta profesional dende o exterior á zona
restrinxida para os profesionais que traballan no edificio co obxecto de
facilitar a fluidez no acceso do público. Ademais, tamén no edificio xudicial,
está previsto a instalación dun sistema de extracción de gases no espazo
destinado no garaxe ao furgón policial para a condución dos detidos.
Canto ao Pazo de
Xustiza, ao abeiro deste plan de traballos menores de mantemento e reparación
que busca manter as edificacións xudiciais en óptimas condicións de
utilización, executaranse obras nas oficinas do segundo andar para a
redistribución da sección 1ª da Audiencia provincial de Ourense, coa dotación de
espazos para unha sala de espera para as testemuñas e tamén para unha sala de
prensa. Tamén procederase á creación dun despacho nas oficinas da Fiscalía
provincial para acoller o posto de recente creación de coordinador/a da Oficina
fiscal.